Pazaralcili.tr.gg - Tarihi Yerler

Destanlar

Ğandağişi Rakani

Ğandağişi rakani guri koğomikani
Domiyonri mevulur domiyonri mevulur
so ulur mani mani so ulur mani mani
koğolağtu varvogni koğolağtu varvogni
ham verane zamani ham verane zamani
kogondvido koğinci raganişa ragani

Birol Topaloğlu

ALLA KEKÇOPUDO MUYAPAT ÇONA

Almanyaşe moğtu culu daskani
Yasini gizitu son ruhiskani
Sabaha giyondrit başuciskani
Alla kekçopudo muyapat çona

Çoyişe viyonit cenazeskani
yeçun kogvapines tabutiskani
Gimbones ginçğones opşa cimskvani
Alla kekçopudo muya pat çona

Meleğepe gogincey ar toliskani
Son defa koziri milletiskani
Kalabaluğortu duğunciskani
Alla kekçopudo muya pat çona

Hatira pşinağum şeyepeskani
Dudis molomizun yastuğiskani
Ham dunya domayu ağir zamani
Alla kekçopudo muyapat çona

kodologocinit mezareskani
Leta keyovobgit mskva teniskani
Ğocape gizites son duaskani
Cenneti dogayas mezareskani
Alla kekçopudo muyapat çona
Birol Topaloğlu- Ezmoce albümünde yer almaktadır.

Thumi destani
Memocedi memadiçi yukite
Megocedi moytobali upite
Muon mşkomareyi uça tolite
Var moğeli site var iğelare

Cindo cemitoçam mçuşi pipila
Mondo skanişeni çoyi mepila
Komekça tabanca mpilana pila
Varmoğeli siti var iğelare

Karmeteşi ğergi megoçopare
Muce ali sari cegoçopare
Dunya kokvatuko si ekçopare
Var moğeli siti var iğelare

Marti moğtay naşku putuji monta
Omcudo omnuru sum bozomota
Cur muşi esmeron armuşi mtuta
Varmoğeli siti var iğelare

Avlaskani ceren mçğuli mektasi
Kulişa moyseli mahey meftasi
Cari kegemibi teli cekçasi
Varmoğeli siti var iğelare

İdare nuzuni lamba nuzuni
Yoğoskani emine cegozuni
Masi eçopinu var cemozuni
Varmoğeli siti var iğelare

Ela yari ela tolepe ala
Hişo var idare dişkaşa ğvala
İşareti mekça eşkveviğfala
Var moğeli siti var iğelare

Ğoloti kelemagnu

Ğoloti kelemagnu
Guri yarli guri
Varmaçoden derdepe
Kogomabğu asuri

Var eğtudo var pçiti
Çoki keğvağu şuri
Skanişeni mağoden
Everane osuri

Pandati bgarineri
İçodeni omuri
Hakute vamaçitu
E yareppi şuçuri

E Çona Bereşkimi

E çona bereşkimi
Vagişkun gurişkimi oyi
Var gicvado muyyasen
Didon derdepeşkimi oyi

Kogamogognapigo
Bitum derdepeşkimi
Vapa oncğore mayen
Ore evladişkimi

Gzaşi Gaide

Ğoloti kogoladu
Rakanepe dumani
Skanido şkimişeni
Diyu ağir zamani

ecvi Empula
Çoyi dolopcedare
Keçopey purkişkimi
Keçopey iyonaman
Mati ekapcedare

Vulur vulur varmalen
Skanda var gamomalen
Andğa varmaziruko
Bğurur şuri emalen

Çona sevdalişkimi
Memaşkvido nayulur
Dolumcasi moftare
Ma dağişa vulur

Destan

Pucepe mecido haşo mupini
Gza cale on Ayşe kodolupini
Toma ntğozalepe şka keyipini
Var moğeli siti ceguğurare

Avlaskani bineği megizurtu yoğoskani
Armutça cegozurtu
Masi ekçopinu var cemozurtu
Var moğeli siti cekuğurare

Oğoriskanişa komefti ğoma
pencere noğerti incğoti toma
Na idare yeri moteğtay koma
Var moğeli siti cekuğurare

Ardeşeni sirti duçanişkuni
Çamepeşi dibi mecrani şkuni
Razi var iyesu nanapeşkuni
Var moğeli siti cekuğurare

İdi çoyişado parvi kosare
Var giçini si mipeşi nusare
Moytrağudi çilambri gikosare
Momoğodam haşo moymobgarinam